爸爸的自家 Apple Watch Review 購買篇

由的起心肝跑歩開始,已經一星期多。早前為「有頭威唔和有冇尾陣」的準備,那電子手錶其實就是隻 Apple Watch。

在買 Apple Watch 之前,做了一些簡單 research。坊間太多所謂的 review,其實不外乎四類:

  1. 鱔稿:基本上將蘋果網站或 Keynote 的內容,以第一身再講一次,加個開箱報告,然後話你知點買。呢類,睇完完全等於冇睇。
  2. 神枱式供奉:由開箱到每個細節,做到品評藝術品一樣。慢鏡 pan shot 加長氣 voice over,務求比大家睇到隻錶每一微米有幾正。呢類,睇完亦完全等於冇睇。
  3. 地獄式踐踏:無盡地數臭奚落,只是集中講隻錶冇乜冇乜,呢樣唔得果樣唔掂。再加個極端測試,又浸又煲又掉又叮,最後華麗地破壞隻錶⋯我完全感覺唔到我在看 product review。呢類,睇完都係完全等於冇睇。
  4. 客觀比較:找其他廠商的近期款式作比對,指出分別。這類對我比較有用但始終都限於 spec 的功能分析。真正帶上手又未必有相同感覺,這方面還是比較主觀的,preference 問題。

我本身喜歡蘋果產品,但並非盲追(現在還是在用 iPhone 5,部絕版小白還會用作文書處理)。個人覺得,Apple Watch 對我還是用得著,但來來去去,在網上也找不到好的 review。換個角度,其實怎樣用,也是很個人很 subjective 的。唔,那就買來試試吧。(多麼冠冕堂皇又自我感覺良好的藉口!)

因為現在只可以在網上訂購,到 Apple Store 簡單試戴後就訂了。我的手臂比較幼,正好買入門級 38mm Sport Version。

和以往的蘋果產品不同,Apple Watch 在市場上有 noise 但我不見很多人用,而先達炒價也每天回落。但是,落單之後,發現居然要等兩個月先有貨?!是否真的這麼好賣?我有點懷疑,也相信很多人有同樣問題。

以下是親身經驗,大家可作個參考:

  • 5月15日訂購,付款時的預定發貨日期是7月。
  • 5月19日,預定發貨日期變成了6月11日至6月25日。
  • 5月27日,收到電郵已發貨通知。手錶5月30日到手。

原來的兩個多月的等待期,實際上兩個多星期已經到手。我身邊兩位也買了 Apple Watch 的朋友也是相似情況。不確定是否不同 model 會有不同出貨時間,但如果想買來自用,大家似乎不需要去買炒價錶,實際其實不需等太耐。

以上。用上一段時間後再分享。⌚️

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.