毒男爸爸是怎樣練成的

我呢~

70年代面世的生物,

80年代的屋邨街童,

90年代的清貧學生,

之後在社會轆黎轆去十幾年。

同很多同年期同背景的爸爸一樣,細細個有時間但冇錢,放學後只有流連球場機舖放電,然後返屋企睇電視。當年電視遊戲模型漫畫係少年潮流,但由於冇錢所以得個恨字。冇錯,明眼嘅你應該察覺到我冇提做工課。當年邊有禁多工課架!而且,我主要係抄或者直接唔交的。

二千年前後出來工作,獨立了也搬出來自己住,多了些錢但冇時間。而由於細細個對少年玩物的憧憬太多,所以順理成章成為左BANDXI,CAPCXN,SXNY等市場策略下的水魚群,買下買下成屋都係景品電玩模型,間屋名副其實變咗一個「真豆潤・男の部屋」。

近幾年修心養性,經過結婚生仔搬幾次屋後,地方永遠唔夠用,家庭大了地方相對細了。以往精美display櫃內的景品,已經夾晒落膠箱;深愛的藏書漫畫,由當眼處打落書架底下最潮濕果格;打開衣櫃床底,硬係會見到幾盒孤零零的模型縮埋一角。

由一支公毒男,娶老婆變老公,再加個仔變爸爸。外表開始修成爸爸的模樣,骨子裡仍然是毒男一名。短短幾年有太多轉變和軼事,將來也會有很多新挑戰。好想搵個地方分享一下,記錄夾在兩個身分中間嘅有趣經歷。

順便一提,我是九型人格中的典型七號:興趣多多又怕悶,乜都想做但冇乜恆心,到頭來又係得啖笑。如無意外,呢個Blog應該都係同様下場。😅

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.